وسيم كركي المعروف فنيا ب Hades، تزاد 14 غشت 1997 فمدينة المحمدية ولأصل ديالو لبناني مغربي.
بدا Hades كايتعلم ينتج الموسيقى ف 2013، فالأول غاظي يبدا مع مجموعة Loud Gang ولي هما مغني راب من كندا.
وسيم أو Hades غادي يكمل فالمسيرة ديالو و كل نهار كايطور فراسو و المهارات ديالو، حتى الوقت لي غادي يتلقى مع Bizzmakers وغادي يصبح هو المنتج الرئيسي ديالهم.
كايتعتابر وسيم من المنتجين المغاربة القلال لي قدروا يخليو البصمة ديالهم و يساهموا فتطوير الراب المغربي، و هادشي راجع للتعاونات لي دار مع فنانين من العالم كامل.
من أشهر الفنانين العالميين لي خدم معاهم (Mister You، Ninho، La Fouine و RimK).
وتعامل حتى مع فنانين مغاربة ولي حقق معاهم نجاحات كبيرة وقدر معاهم يوصلوا الراب المغربي العالمية من أشهرهم (Shayfeen، Lferda، ElgrandeToto…).
فالنهاية ديال 2019، غادي يقرر يدخل العالم الراب وهاد المرة كامغني الراب ماشي منتج، و غادي يطلق سلسلة من فريستايل بعنوان “Allo” ولي أتلقى اقبال من عند الجمهور.
